شمال نیوز: میر حمزه طاهری هریکنده ای نوپا شاعر مازندرانی پس از شنیدن خبر فوت مرحوم مهرداد اولادی شعری را به زبان مازندرانی سرود:
شمال نیوز: میر حمزه طاهری هریکنده ای نوپا شاعر مازندرانی پس از شنیدن خبر فوت مرحوم مهرداد اولادی شعری را به زبان مازندرانی سرود:
تقدیم به زنده یاد مهرداد اولادی...
خــور بمـــو مــه دلــه درد دپیته
کوچه پس کوچـه ره مــاتم بهیته
مهـرداد هـم دتا دسه واز هکرده
هادی نوروزی ور پروازهکرده
دیگـــه هـادی اونراسی نییه تینار
همــدیگـره خــداور کنـه دیــدار
ملـه هـی ونگـــه وای برمه اینه
کــوچه دکـل صـدای خنده نینه
خـور بمــو ملـــه ره تش بهیته
آسمـــــونـه درس وارش بهیته
همــه جـــم بهینه امـــه آبــادی
همــه جـا گنه مهــرداد اولادی
مهرداد جان کوله باره سازهکردی
خـدای ور پسر پـرواز هکـردی
ته بـوردی خلـه چشه بیته وارش
همـه بمــونه ته سه بـرو هارش
ته بوردن همه جاره ونگ هکرده
همــه رفقـــــونه دلتنگ هکــرده
ته کویی من ته وسه بیمه دلتنگ
قـــادیکــلا همـــه تـره کنه ونگ
همـه جــاره سیـو پارچــه بزونه
همــه شــه دلخشی ره جــا بزونه
چی تی بی ته شه عمره هاکنم سر
چی تی بی ته شه روزه هاکنم سر
ونگ کمبه شه خـــدا ، ننه بمیره
مــه پهلـــوون ریکــا ، ننه بمیره
بمــومــه ورزشگـــاه ، ننه بمیره
بـزومــه ونگـــــه وا ، ننه بمیره
ته بـوردی سره دیگه سو ندارنه
ملــه دیگـه ته بک و بــو ندارنه
تــره ویمبه نـویمبه ، نالـه دارمه
شه خشک هیته گلی ره بانه دارمه
پسر تــه عکسه گـــد ملــه بزونه
تـو و هــادی ره اون دلــه بزونه
خلــــه هـــانـه تــه وسه او بهینه
مثــه شمــع یواشکی خـــو بهینه
چشـه اصلــی مثــه وارش بهییه
مـه تن درد کنده و نـاخش بهییه
الامت خلق بمونه ته سه مهرداد
همــه تـــه خاطراته کــردنه یاد
تـه وسه روز و شو دل بیقراره
ته عکس هر جا که شومبه وه دیاره
پسر مــه ورزشکـــار ننه بمیره
تــن داشته وه نـخـــار ننه بمیره
دمـــه دره پسر پرچــم بــزونه
کوچه پس کوچه ره ماتم بزونه
نماشون که بونه ته ونگه واهه
ته خنده عکس تن چه باصفاهه
قبله ور من خــداره ونگه وامه
ونه پیش که دری من روبرامه
طاهری شعر بخون مهرداد جوونه
هـادی ی ور شونه ونه مهمونه
***
میر حمزه طاهری هریکنده ای نوپا
